कोभिड १९ संक्रमित वैज्ञानिक वन छानबिन अनुगमन उपसमितिका संयोजक एवं संघीय सांसद प्रदीप यादवको सम्पर्क रहेका सबैको आइतवार रिपोर्ट आएको छ । सनिवार जिल्ला अस्पताल सिन्धुलीमा स्वव संकलन गरिएका ४२ जनाको रिपोर्ट नेगेटिभ आएको हो ।
सम्पर्कमा रहेकाहरुलाई उच्च सर्तकता अपनाउदै सनिवार वेलुकी ४ वजे जिल्ला अस्पतालमा स्वाब संकलन गरिएकोमा ४२ जनाको रिर्पोट नेगेटिभ आएको प्रमुख जिल्ला अधिकारी योगेन्द्र प्रसाद पाण्डेले जानकारी दिए । उनका अनुसार वन कार्यलयका प्रमुख, अन्य कर्मचारी, ड्राईभर, जनप्रतिनिधि र पत्रकारको समेत स्वव संकलन गरिएको थियो ।
वनको अवस्था बुझ्न उपसमितिका संयोजक एवं संघीय सांसद प्रदीप यादव सिन्धुली आएका थिए । उनि स्वव परिक्षण दिएर सिन्धुली आएका हुन् । उनलाई कोरोना भाइरस संक्रमण पुष्टि भएकाले जिल्ला बन कार्यलय सिल गरी सबै सेवाहरु बन्द गरिएको थियो । उनको सम्पर्कमा रहेका सवैको रिपोर्ट नेगेटिभ आए पछि सुचना निकालेर सोमबार देखीनै संचालनमा रहने गरि जिल्ला वन कार्यलय खुल्ने डिभिजन वन कार्यालय सिन्धुलीका प्रमुख नारायण श्रेष्ठले बताए । नारायणी अस्पताल वीरगन्जमा शुक्रबार गरिएको परीक्षणबाट सांसद यादवमा कोरोना भाइरस संक्रमण पुष्टि भएको हो ।
