बन्दै गरेको पुल बगायो

वैशाख मसान्तमा निर्माण सम्पन्न गरी सक्नेगरी सेटस्काएर कन्ष्ट्रक्सन प्रालि कटारी उदयुपरले निर्माण गर्ने सम्झौता भएको भए पनि मध्य वैशाखमा आएर ढलानको तयारीमा रहेको पुलमा क्षति पुगेको दुधौली नगरपालिकाका नगरप्रमुखका सचिवालय सदस्य नारायण भट्टराईले बताए ।

‘कुम्रा खोलामा भारी वर्षा र बाढीको कारण बन्दै गरेको पुल क्षति ग्रस्त भएको छ,’ भट्टराईले भने । दुधौली नगरपालिकाले रू. १ करोड बजेट विनियोजन गरेको उक्त पुल खुल्ला प्रतिष्पर्धाबाट गरिएकोमा उक्त निर्माण कम्पनीले ४५ प्रतिशत विलोमा निर्माणको जिम्मा लिएको नगरपालिकाका इन्जिनियर सुजन कफ्लेले बताए ।

मुअकर सहित करिब रू.९५ लाखमा यही वैशाखमा सक्नेगरी निर्माण सम्झौता भएको भए पनि लकडाउन र यस वर्ष चाँडै वर्षा शुरु  भएकाले निर्माणमा ढिलाइ हुने देखिएको इन्जिनियर काफ्लेको भनाइ छ । यही बैशाख मसान्तमा निर्माण ठेक्का सकिने छ ।

पुलको केही छेउको भागलाई बाढीले बगाएको छ, रड विच्छयाएको ठाउँमा भने त्यति क्षति पुगेको छैन, भट्टराईले भने । यस वर्ष वैशाख पहिलो हप्ता देखि नै निरन्तर रुपमा पानी परेकाले पनि निर्माणमा केही ढिलो भएको हो, नभए वैशाख मसान्त सम्ममा सक्ने गरी नै निर्माण गरेको देखिन्छ, उनले भने ।

लकडाउनको कारण काम रोकिएकाले पनि निर्माणमा ढिला भएको हो, ३९ दिनदेखि त्यस स्थानमा काम मा रहेका कामदारहरु सवैलाई घरपठाएकाले निर्माण हुन नसकेको निर्माण व्यबसायिले बताए ।